Regine muntik pagsamantalahan ni Robin

Dennis Aguilar

People's Journal

MAS intresado para kay Robin Padilla na pag-usapan ang pelikula nila ni Regine Velasquez, ang Till I Met You kumpara sa utol niyang si Rustom Padilla na lantarang umanin sa publiko na bakla siya.

Magkagayunman, bow si Binoe sa katapangan ng kanyang utol dahil kung siya raw iyon, bahala ang publiko na humatol kung siya ay bading o hindi.

“Pero may mensahe ako kay utol, sana lagi si-yang masaya sa buhay niya, magpataba siya dahil ang payat niya. Basta kung saan man siya masaya at maligaya ngayon, masaya na rin kaming mga kapamilya niya!”

“Let’s talk nalang about my movie with Regine Velasquez. Aaminin ko, masarap kasama si Regine dahil bukod sa mabait, malambing pa. Talagang ipinapakita niyang giliw na giliw siya sa akin, gayundin ako sa kanya.

“Sa buong tatlong linggong pagsu-shooting namin ay hindi ko naringgan na nagreklamo o nag-demand sa set si Regine. Nang matapos ang shooting, nalungkot ako dahil hindi na uli kami magkakasama. Mami-miss ko kasi ang pagiging malambing niya,” kuwento ni Robin.

Maraming happy moments ang Till I Met You na ayon nga kay Binoe ay hindi niya malilimutan. Partikular na rito yung lovescene nila ni Regine na naganap sa gubat. Bago raw kunan ang kanilang torrid kissing scene ay nag-usap muna sila ni Direk Mark Reyes kung papayag si Regine na makipaghalikan sa kanya na nakahubad sila. Umoo naman daw ang Asia’s Songbird sa kundisyong hindi lalabas na malaswa ang eksena.

“Kuntento naman si Regine sa kinalabasan kaya natuwa siya. Pero alam n’yo bang take one lang ang kissng scene namin? Siguro kung naiba lang ang came-raman ay baka kinuntsaba ko siya at gawin itong take 10.

“Aba, eh, sa gandang iyon ni Regine talagang mapaparami ka ng halik. Nanghihinayang nga ako’t take one lang. Kung nagkataong si Charlie Peralta ang cameraman namin, malalagot si Regine sa akin. Siguro kung wala lang maraming tao sa paligid, napagsamantala-han ko si Regine!

“Eh ano ba kung bumalik ako sa bilangguan? Tutal sanay na ako sa loob, tatlong taon ako sa Munti kaya okey lang kung mabilanggo uli, ito ay kung ang magrereklamo sa akin ay si Regine,” natatawang pagtatapos ni Robin.